1.Antes de nada, cóntanos a túa traxectoria no mundo do fútbol e a túa
experiencia en terceira división.
Comecei a
xogar no Viveiro infantil con 11 anos, pasando logo polo resto de
categorías, debutando con 16 anos en Rexional Preferente, o mesmo ano do
ascenso a 3ª división. Xoguei dous anos en terceira co Viveiro e o ano
pasado no Betanzos ata febreiro, cando me volvín incorporar ao Viveiro.
En canto
á miña experiencia en 3ª podo dicir que foi moi boa, xa que xogas ao
lado de xogadores con moita experiencia e dos cales podes aprender.
2.
¿Que cres que vos faltou o ano pasado para rematar en postos de
ascenso ou de promoción?
Creo que
ter unha maior regularidade e gañar algúns partidos con rivais directos.
3.
Pasando a falar xa da presente tempada; o Viveiro está en todas as
quinielas como un dos favoritos ao ascenso, pero ¿cal é realmente o voso
obxectivo?
Traballar
con moita humildade e ir partido a partido, posto que hai moitos equipos
de calidade e o ascenso estará moi difícil.
4.
¿Como cres que será, a priori, a categoría esta tempada: máis dura que a
da campaña pasada, máis doada...?
Sempre é
máis dura, xa que os rivais cada vez son mellores e están máis
preparados, sendo unha categoría moi competida.
5.
¿Cales cres que serán os vosos rivais na loita polo ascenso?
Bergantiños, Laracha, Somozas... e desexo que o Chantada.
6.
¿Como afrontades o partido desta fin de semana ante o Chantada?
Con
ilusión e sabendo que o ano pasado perdemos aí; creo que será un partido
complicado.
7. ¿Atréveste
cun resultado para o domingo?
Só podo
dicir que desexo que o Chantada gañe todos os partidos, menos contra o
Viveiro.
