1.
Sufriuse ata o final, pero ao final séguese en Preferente. ¿Como
viviches este último partido?
Como ben
dis séguese en Preferente, que é o noso obxectivo. Pero partidos como o
do Burela é mellor que non veñan moitos; a verdade é que o pasei moi mal
ata o final.
2.
¿Que valoración fas da campaña do primeiro equipo?
O noso
obxectivo era a permanencia e cumpriuse; creo que se pode facer mellor
co equipo que temos, pero este ano, por diversos motivos, como o dos adestramentos,
etc. sufrimos un pouco ata o final; pero cumpriuse o obxectivo e, polo
tanto, a valoración é positiva.
3. Cos
que tamén se sufriu, pero esta vez sen final feliz, foi cos cadetes. Foi
unha pena que escapase o ascenso, ¿non cres?
Os
cadetes este ano foron o equipo estrela. Como ben dis, foi unha pena non
ascender, porque o mereceron, pero estes novos xogadores aínda nos teñen
que dar moitas alegrías, tanto no equipo de xuvenís coma no futuro no de
Preferente.
Se eles
queren, mentres nós esteamos aquí, que non dubiden de que van ter moitas
oportunidades; eu diríalles que sexan boa xente, bos compañeiros... e
que o resto vén só. Moitas felicidades pola grande campaña que fixestes.
4.
¿Como analizas a tempada do Chantada B, os xuvenís e os cadetes?
O
Chantada B eu creo que fixo unha campaña moi boa tendo en conta que
xogaron case todos os partidos fóra; eu creo que para o ano que vén imos
ter ao Chantada B loitando nos primeiros postos da clasificación.
Os
xuvenís, outro ano máis, cumpriron o obxectivo, que era a permanencia; a
campaña foi excelente porque a categoría tamén o é; polo tanto,
felicidades tamén para eles.
Os
cadetes, como xa dixen antes, mellor imposible. Ogallá para o ano axuden
aos xuvenís e teñan moita sorte porque o merecen.
5.
Fainos un balance da túa primeira tempada á fronte do club, en todos os
ámbitos, tanto o deportivo como o social.
O meu
balance da tempada é moi positivo; no deportivo cumprimos todos os
obxectivos; no social tamén, posto que veu moita xente ao campo a animar
a todos os equipos, e os patrocinadores axudáronnos moito.
Aos
socios poríalles un 10 por ser o campo de fútbol de Preferente onde máis
xente hai; moitas grazas a todos.
6. De
cara á próxima tempada, ¿seguirás no cargo?
Para o
próximo ano seguirei con moito orgullo sendo presidente da S.D.
Chantada: co grupo de xente tan traballadora que temos na directiva, e
estes marabillosos xogadores, ¡quen se pode negar!
7.
¿Como valoras que Pateiro abandone o banco do primeiro equipo?
O de
Pateiro, a verdade, é que nos pillou a todos por sorpresa; sinto moito
que tomase esa decisión, pero ao mesmo tempo enténdoo, porque el así o
quixo; supoño que para el non sería unha decisión doada, porque quere
moito a S.D. Chantada.
Persoalmente, vou botar de menos que non estea no banco, porque ademais
de ser o mellor adestrador que tivo a S.D. Chantada é un grande amigo.
Alégrome de que polo menos siga na directiva, e deséxolle moita sorte na
súa nova etapa no seu novo traballo.
Quixéralle dar moitas grazas polo gran traballo que fixo e que saiba que
sempre terá a porta aberta para volver.
8.
¿Con que perspectivas afrontas a próxima tempada? ¿Seguirase coa mesma
filosofía?
A
filosofía dos equipos seguirá sendo a mesma: traballar coa canteira,
procurando formar xogadores para o primeiro equipo.
Dende
aquí animo aos novos xogadores a que se esforcen todo o posible, que
oportunidades connosco as van ter todos.
9.
¿Que mensaxe mandarías dende aquí á afección?
Á
afección a mensaxe que lle mando é que siga acudindo ao campo a animar a
todos os equipos como o fixo esta tempada, e que moitas grazas pola súa
colaboración.
Tamén
quero dar a benvida á directiva da S.D. a Marolas e Varela, boa xente
que seguro que nos axudará moito. Moitas grazas e
¡ ¡ ¡ Aúpa a S.D.
Chantada!!!
MOI
PERSOAL
1.
Unha cor: vermello e branco
2.
Un número: 7
3.
Unha comida: cocido
4.
Unha bebida:
viño
5.
Un equipo:
S.D. Chantada
6.
Un libro:
El nombre de la rosa
7.
Un xogador: calquera da S.D.
Chantada e Butragueño
8.
Un adestrador:
Javier Pateiro
9.
Un hobbie: ver fútbol
10.
O partido do que mellor recordo
tes: final da Copa Deputación
11.
Unha frase: Fai ben e non mires
a quen
