Antes de nada cóntanos a túa traxectoria no mundo do fútbol

Empecei aos 4 anos adestrando en A Rúa; despois xoguei ao fútbol-sala nas Escolas Deportivas de Chantada e nos infantís tamén das escolas dende alevín de 2º ano. Xa en cadetes pasei á SD Chantada.

Se che mandase que me dixeses que é o fútbol, ¿como o definirías?

Como un deporte marabilloso no que hai que saber xogar en equipo para poder gañar.

Falando xa desta tempada; o outro día triunfo ante o Barco, o líder; ¿como viches o partido?

Moi ben. Axudounos moito o gol tan pronto, o penalti e a expulsión dun defensa visitante. Con 2-0 e un máis xogamos mellor, pero preto do final con 4-0 relaxámonos un pouco e custounos dous goles, aínda que soubemos aguantar.

¿Como ves esta tempada a categoría?

Véxoa moi equilibrada, e vexo que calquera equipo lle gaña a outro; abonda con mirar os resultados dunha xornada para darnos conta diso. Creo que temos tan bo equipo ou mellor que os primeiros pero empezamos frouxos a tempada e estámolo a pagar.

Despois de xogar xa contra todos os equipos, ¿cal cres que é o máis forte?

Como dixen antes non vexo ningún superior a nós, pero quizais o mellor sexa o Arenteiro. É ao que vexo agora mesmo máis forte.

¿Cal cres que debe ser o voso obxectivo para esta tempada?

Pois intentar gañar todos os partidos que quedan ata o final da liga, para poder rematar o máis arriba posible sen renunciar a nada. Despois na copa tratar de chegar o máis lonxe que poidamos.

MOI PERSOAL

Unha cor: azul.

Unha comida: pasta.

Unha bebida: aquarius.

Un número: o 7.

Un equipo: SD Chantada e Celta.

Un libro: No te laves las manos Flanagan.

Unha película: La vida es Belle.

Un xogador: Iniesta.

Un adestrador: Adrián e Óscar.

Un hobbie: saír cos amigos.

Outro deporte: tenis.

Un gol: o que clasificou o Celta para a Champions.

O teu mellor gol: o ano pasado ao Oira no Sangoñedo, entrou por toda a escuadra. (Jeje)

O partido do que mellor recordo tes: o ano pasado en liga no Barco, gañamos a liga.

O partido do que peor recordo tes: o de fase de ascenso contra o Guardés na casa.

O mellor xogador co que xogaches é: todos son bos xogadores, pero se hai que dicir algún quizais Álex, Joserra e André.

O mellor compañeiro de vestiario que tiveches é: todos son bos, pero cos que mellor relación teño son Airiños e Jordi.

Unha anécdota que nunca esquecerás: cando Jordi esqueceu ir a un partido en infantís.

Es xogador porque... gústame o fútbol.

O mellor de ser xogador é... gozar do fútbol.

E o peor... aínda que por sorte non tiven, as lesións.

Un recordo: o partido de fase de ascenso na casa co Guardés, aínda que quedamos eliminados foi inesquecible xogar ese partido, polo que xogabamos e por toda a xente que nos apoiaba.

Un sono: ascender co Chantada a terceira.

Unha frase: É mellor estar calado e parecer tonto, que falar e despexar as dúbidas.