As de Rigui mereceron mellor sorte

O equipo femenino non puido puntuar na súa visita á Rúa. As chantadinas que comezaron ganado acabaron perdendo por 3-1. Nun partido entretido leváronse os tres puntos as locais gracias ó seu maior acerto de cara a portería.

As de Rigui realizaron un bo partido, no que dominaron a maior parte do tempo o balón, e froito delo chegou o 0-1, obra de Iria. As chantadinas seguiron atacando pero non lograron marcar, e pasada media hora de xogo chegou o tanto do empate.

Co 1-1 comezou a segunda metade, e ós 10 minutos ás locasi cobraron ventaxa no marcador. Logo as nosas reclamaría un penalti sobre Paula non sinalado. A falta de 15 minutos para o final chegaría o 3-1 definitivo. As chantadinas seguírono intentando ata o final e Irene puido recortar distancias, pero non tivo fortuna.

O vindeiro fin de semana as de Rigui non teñen encontro, xa que hai xornada de descanso na Liga.